Kabanata 32

Hawak-hawak ni Dwayne ang kaliwang kamay ko habang mabilis itong nagmamaneho patungo sa sa boutique.

Hindi ako mapakali sa kinauupuan ko. Tila gusto kong liparin agad ang lugar kung nasaan ang gusaling nasusunog. Hindi ko na namamalayan na kinakagat-kagat ko na ang kuko ko. Noong may tumawag kay Dwayne na may nasusunog, hindi ko agad inisip na ang boutique ko iyon kahit na sinabi nito na magbihis ako at pupunta kami sa boutique. Pero nang makompirma ko ang hinala ko dahil sa tawag ni Margaruta pakiramdam ko biglang tumigil ang mundo ko.

Ang pangarap ko. Nasusunog ngayon ang pangarap ko na ilang taon kong pinaghirapan. Sa isipan pa lang na iyon ay naiiyak na ako. Paano pa kaya kapag nakita ko na ang nangyayari?

Mabilis akong bumaba sa kotse at nagtatakbo papalapit pero may pumigil sa akin kahit anong pilit kong makalapit.

“Irish, stop,” pigil sa akin ni Dwayne at hinila niya ako palayo.

Muntik na akong matumba habang nakatanaw sa gusali kung nasaan ang botique. Mabuti na lang at m