Chapter 50: Love And Danger 2

Alas-diyes ng gabi nang magising si Sophie dahil sa pagkalam ng kanyang sikmura. Pinasya niyang bumangon at maghanap ng makakain sa kusina.

Paglabas niya ng kuwarto, patay lahat ng ilaw sa bahay niya, maliban na lang sa floor lampshade na nasa sala.

Napasinghap pa siya nang matunghayan sa salas si Rob. Nakabaluktot itong natutulog sa couch. And from the looks of it, he surely looks uncomfortable.

Alangangin niyang nilapitan ang natutulog nitong bulto. Bakit hindi ito umakyat sa penthouse?

Bigla naman siyang naawa sa hitsura nito. She should get him a blanket at least. Para naman hindi ito nagtitiis sa kaftan ng sofa niya. Papahakbang na sana siya sa kuwarto niya kaya lang naisip niya, bakit siya maawa rito?