Chapter 101.3

“Aaaaah!” Dumanak ang dugo ni King nang saksakin ng isang guard ang kanyang braso.

Hinang-hina na siya sa paulit-ulit na pananakit na ginagawa sa kanya para pasukuin. Ngayon ay mas lumalala na ‘yon at mukhang wala nang plano ang kanyang ama na patagalin pa kahit pa halos ikamatay niya na ‘yon.

“Bakit hindi ka pa sumuko nang ‘di ka na nahihirapan?” tanong nang malaking guwardiyang sumaksak sa kanya. Nakatayo ‘to sa kanyang harapan habang nakasandal siya sa pader at hawak ang duguang braso. Masama ang tingin niya rito pero alam niyang sa kalagayan niya ngayon, kahit isang bote ng blood wine hindi mapapawi ang kanyang uhaw sa dugo.

Nang iwanan siya nito ang huli nitong sinabi ay, “Tatatakan ka na bukas, ihanda mo na ang katawan mo. Pero kung gusto mong sumunod na sa Master, magsabi ka lang. Huwag mo nang hayaang matatakan ka pa nang tatak ng isang alipin.”

Anong pakialam niya ro’n?

Wala