Apology

Nagising si Mavis sa init ng sikat nang papalubog na araw na tumatagos sa glass wall na nakapagitan sa silid at balkonaheng karugtong ng silid niya. Gumalaw siya at naramdaman niya ang pagkalaglag ng kumot na nakapatong sa kaniyang katawan.

Nang imulat niya ang mga mata niya ay agad na bumungad sa kanya ang pamilyar na kisame ng silid niya. And then she remembered what happened at mabilis siyang bumalikwas ng bangon.

Malakas ang tambol ng dibdib niya nang igala niya ang tingin sa kabuuan ng silid. Mag-isa lang siya sa silid. Ang puting kurtina sa bintana ay marahang iniihip ng hangin. Mula sa labas ay naririnig niya ang mga abalang yabag at boses.

Habol niya ang kaniyang paghinga habang bumabalik sa isip niya ang mga nangyari bago siya nawalan ng malay.

Her parents! Ang mama't papa niya... nakita niya ang mga ito. They were there!

Napalunok siya. Mabilis na hinawi niya ang kumot sa katawan niya at bumaba ng kama. Suot niya pa rin ang bestida na sinuot niya sa pakikipagkita sa kay c