Chapter 47

MASAKIT MANG ISIPIN, kailangan tanggapin kung kelan ka naging seryoso saka ka niya gagaguhin! O, Diyos ko, ano ba naman ito. ‘Di ba, ‘lang hiya, nagmukha akong tanga. Pinaasa niya lang ako, lecheng pag-ibig to. Diyos ko, ano ba naman ito…

“Lecheng pag-ibig to! Wooo!” Sigaw ni Bastie mula sa counter habang nakikinig sa banda na umaawit sa entablado. Tinungga niya ang baso na may lamang alak. 

“Hinay hinay lang pare.” Saway ni Jayden sa kanya.

Nasa loob sila ng isang bar at ngayong gabi gusto niyang magpakalunod sa alak! Walang pakialam na muli siyang humingi ng isa pang shot sa bartender.

“Malalasing ka sa ginagawa mo.” Wika ni Dean na kababakasan ng pag-aalala sa tinig.