Chapter 110

"Ate, kumusta ka na? kayo ni Kuya Thauce?"

Ngayon ay nasa kusina ako at nagpe-prepare ng dinner. Kausap ko si Seya. Napangiti ako nang mapansin na talagang nanunumbalik na siya sa dati. Mukhang maayos siyang naaalagaan ni Doc. Ariq.

"Ayos naman kami, abala siya sa kumpanya niya ngayon."

"Ohh, nabanggit nga sa akin iyan ni Wax-- I mean ni Doc. Ariq. Malaki daw ang posibilidad na mawala kay Kuya Thauce ang kumpanya."

At kahit pala si Seya ay alam, sinabi ni Doc? mukhang ganon na talaga sila ka-close.

"Oo, pero ginagawa nama niya lahat. Sana nga maayos na, alam ko na sobrang halaga non sa kaniya dahil galing 'yon sa ama niya."

"Yun rin ang sinabi ni Doc. Ariq, eh hayaan mo, ate. Magaling naman si Kuya Thauce, wala naman hindi nagagawaan ng paraan 'yon. Iba rin siya kung mag-isip eh, tingnan mo nga yung nangyari sa inyo."

Nang marinig ko ang sinabi ni Seya ay napahinto naman ako sa paghahalo ng niluluto ko.

"Seya! paanong napunta naman doon?"

Natawa naman siya sa tanong ko.

"Bakit? totoo