Chapter 97

Hindi ko nagamit ang black card na ito dati. Pero akala ko ay spare card niya lang ito. Nang lumapit sa akin si Thauce ay iginilid niya ang hawak na paperbag at hinapit ako sa baywang. Ang lapit ng kaniyang mukha sa akin na naduduling na ako sa pagtingin sa kaniya.

"Uh, sigurado ka na okay lang gamitin ko?" paniniguro ko, medyo nailang pa ako sa lapit namin dahil nga kagigising ko lang at tiyak amoy pa sa hininga ko ang kinain namin kanina. Pero imbis na sagutin naman ako ni Thauce ay sa mismong harapan ni Adriano ay bigla naman niyang siniil ng halik ang mga labi ko.

Hindi 'yon mabilis. Napakapit ang isang kamay ko sa kaniyang batok, umakyat sa buhok at di kalaunan ay sa braso niya. At nang maramdaman kong mas palalim ng palalim ang halik ay ako na mismo ang lumayo dahil mahuhuli na siya sa trabaho.

"T-Thauce," tawag ko sa pangalan niya. Hinabol naman niya ang mga labi ko at hinalikan muli pero siya na rin ang unang humiwalay. Ngumiti siya sa akin ng malawak, pagkatapos ay tumungo