Chapter 38: The Call

Pag-ibig

C.A.E. Sandejas is calling…

Natigilan si Enrique nang makita niya na mayroon siyang incoming video call sa kanyang laptop. Tumayo siya mula sa kanyang kama at tinungo ang study table kung saan nakapatong ang laptop.

“Aba… aba… tignan mo nga naman, oh, akalain mong buhay ka pa pala,” pabirong bungad ni Enrique noong sagutin niya ang tawag.

“I miss you too, E. Kumusta?”

“Ito mas lalong gumagwapo.”

“Ha! As conceited as ever, little brother.”

Umupo si Enrique sa kanyang swievel chair para kausapin ang kapatid.

“Napatawag ka yata ngayon. Anong meron?” tanong ni Enrique.

“Wala naman, nangungumusta lang. Medyo busy lang ako nitong mga nakaraan kaya hindi ako nakatawag. Tinatawagan ko sina Mom pero hindi sumasagot. Kumusta sila?”

“Ayun… naglalagablab pa rin ang init ng pagmamahalan.”

Bahagyang natawa ang kausap ni Enrique. “Mabuti naman. Pero bakit ganyan nanaman ang tono mo? Hindi ka ba natutuwa? Mas gusto mo bang makita ‘yong mga action scenes nila noong mga bata pa tayo?”

“Alin? ‘