Chapter 26

My eyes are getting heavy because of the tears. Pagpasok namin sa bahay, nakita ko ang kapatid ko na inaasikaso ang kanyang gamit na mukhang kararating niya lang din.

Alam ko na sinabihan na siya nina Harvick na mauna siya.

Dapat niyang malaman ang tungkol kay mommy...

She loves her! Umaasa rin siya sa mommy namin. Paano na lang niya maipapaliwanag sa kapatid ko ang ginawa niya?

Hindi ko na namalayan na naihiga ako ng dalawa sa higaan. Kahit basa ako, hindi ko napigilan ang antok ko. Sobrang bigat na ng talukap ng mga mata ko at hindi ko na kaya pang tumayo at makipag-usap.

Sana paggising ko panaginip lang ang lahat ng nakita ko.

Alas dose na nang gabi nang magising ako. Napansin ko na mukhang pinalitan ako ng damit ni Rosanna.

Lumabas ako sa kwarto at pumunta sa terrace. Hindi pa rin tumitigil ang ulan. Sinabayan ng luha ko ang buhos ng ulan nang maalala ko ang tungkol sa nanay namin.

Kaya naman pala hindi na siya nagpakita pa...

"I got it now." Napatango ako at natawa ng mahina.