Kabanata 50 Manatili Ka sa Restaurant

Nakatayo si Bradley sa harap ng company habang nakapamulsa, balbas sarado siya at nakatingala sa gusali.

“Ang lakas ng loob ng babaeng iyon na ipakulong ako! Nagdusa ako ng sobra doon,” galit na galit si Bradley. “Sisiguraduhin ko na pagbabayaran niya ito ngayon.”

Habang nawawala sa sarili kakaisipm sumigaw siya bigla, “Caroline, bumaba ka dito!”

Napansin na ng mga guwardiya ng company si Bradley, pero hindi sila nakielam sapagkat nakatingin lang siya mula sa malayo. Ngunit, nasisira ang imahe ng kumpanya dahil sa pagsigaw niya, kaya isang security guard ang mabilis na lumapit sa kanya.

“Sir, huwag po kayo sumigaw sa labas ng company,” sambit ng guwardiya.

Dumura si Bradley sa sahig bago nagsalita. “Huwag mo akong pigilan! Nandito ako para hanapin ang anak ko. Wala kayong pakielam dito!”

“Sumimangot ang guwardiya, pinilit niya, “Kung miyembro ng pamilya ang hanap ninyo, tumawag na lang kayo.”

“Namatay na ang baterya ng phone ko. Tulungan mo ako sunduin siya pababa,” hiling ni Bradley.