Kabanata 28 - Savage

"Mabuti at nakarating ka sa Regno ng ligtas Prinsesa Kalene," masiglang wika ni Mathias at malaki ang ngiting nakaharap sa Prinsesa ngunit gano'n na lang ang taka ko noong hindi n'ya man lang pinansin ito. Nakita ko naman na napasimangot si Mathias na mabilis namang inakbayan ni Thana. Kahit na mahirap para kay Thana na abutin ang mataas na balikat ni Mathias.

Ang lahat ay tumayo no'ng tuluyan ng nakalapit si Prinsesa Kalene sa puwesto ni Prinsipe Lucas maliban kay Monica at sa akin. Mabilis naman akong tumayo at bahagyang iniyuko ang aking ulo. Habang nakayuko ay sinilip ko si Monica na nanatiling nakaupo at ang mukha ay nababahiran ng pagkairitang ekspresyon. Huwag n'yang sabihin na sura s'ya sa Prinsesang kakarating pa lang. Itinungo ko na ang ulo ko at nadatnan ko naman ang Prinsesang nakamalag kay Monica na nakaupo.

Nakita ko naman si Leonardo na gigil na gigil na nagmomostrang tumayo si Monica ngunit likas na may sariling panuntunan si Monica kaya ang matataray nitong kilay ay u