CHAPTER 17

     MATAPOS ang kainang napuno ng aligagang pagpupunas ng bibig sa mga bata, dumako naman sa pakikipaghilahan sina Luke sa mga ito pagkatapos. Napakarami ng gustong bilhin ng mga bata. Lahat naman ito ay laruan na makalipas ang iilang araw ay masisira rin!

"Kuya, how about this ball?" eksayted na inilahad ni Travis ang isang inflatable na bola. Mainam iyon sa pagbi-beach. "Kung hindi natin siya gagamitin, we can just fold this somewhere."

Ngumiti si Luke bago sumagot, "Hindi puwede. Madaling masira 'yan at minsan lang natin magagamit. You take fancy on it now because of its nice colors pero gugustuhin mo ba 'yang dalhin sa playground para makipaglaro sa ibang bata?"

"O, shucks. They will laugh at me." Travis wrinkled his nose.

"Sa tubig lang 'yan puwedeng laruin. Masisira 'yan ng mga bato. Put it back, pumili ka ng iba."

"Kuya Luke! Uncle Logan helped me choose this one. Maganda ba?" Iwinagayway ni Tanya ang isang hairclip. Umiling si Lu