Chaoter 73 - Trap

Five minutes earlier...

Sinenyasan ni Mr. Zhang ang isa sa mga tauhan niyang nakaposte mula sa pintuan habang kausap niya si Zea sa hapag-kainan.

"Ipaayos mo sa mga helper yung kuwarto ni Ms. Herrera para makapagpahinga na siya. Ipaakyat mo na rin yung mga bagahe niya sa kuwarto para hindi na siya mahirapan magdala mamaya."

"Yes Sir."

Umalis ito kaagad at wala pang ilang minuto ay narito na ang mga helper para kunin ang kanilang mga gamit sa sasakyan. Umaakyat sila sa ikatlong palapag ng mansion at binuksan ang isa sa mga kuwarto sa dulong bahagi nito.

Kaagad nilang inilapag ang mga gamit ni Zea sa end table malapit sa pintuan. Saka dumiretso sa kuwarto nito para pagtulungan ayusin ang hihigaan nito. Matapos iprepara ang silid ay kaagad din umalis ang mga ito at isinara ang kuwarto.

Marahang pumihit ang lock ng bintana at maingat na bumukas ito. Ngunit bago pumasok si Kaito, ay pinihit muna niya ang kanyang wrist watch at automatic na nag-disable lahat ng CCTV sa loob ng kuwarto