Chapter 33 - Lap Dance

Parang may kung anong natunaw sa dibdib ni Zea. Nang magsalubong ang kanilang tingin ni Yohan saka matipid na ngumiti.

Hindi niya maipaliwanag, pero nakaramdam siya ng pagkapanatag ng mga oras na iyon. Bahagyang tumango ang binata, na tila ba sinisiguradong walang mangyayari sa kanya.

Para tuloy gusto niyang maluha. Maliban kay Ethan. Sa lahat ng pagkakataon, ni-minsan hindi siya iniwan o pinabayaan ni Yohan. Kahit ilang beses pa niya itong barahin, ipahiya o awayin. Hindi pa rin nagbabago ang pakikitungo sa kanya ng binata.

Damn kid, you're making me cry.

Halos hindi na makahinga si Yanna kakatawa habang kausap si Kael. Na wala nang nagawa, kundi hilutin ang sentido sobrang inis kay Yohan.

"Sigurado ka ba Sir, na may matutunan tong si Yohan sa bidding na to?"

Tinitigan ng masama ni Yohan si Yanna. "Sinisira mo diskarte ko eh!"

Binalingan siya ng masamang tingin ni Kael. "I told you to bid wisely."

"I am bidding wisely," ngiting sagot ni Yohan habang nakatingin kay Zea.

Kael exhaled