Chapter 60 - Nothing to lose

Napatigil sa pagnguya ng sandwich si Zea, nang biglang pumasok si Ethan sa hotel room. Mabilis nitong inilapag ang silver case ng experimental drug sa lamesa at kumuha ng isa.

Napansin kaagad ni Zea ang seryoso nitong mukha, taliwas sa masayang ekspresyon nito bago ito lumabas ng silid kanina.

"May problema ba?" mahinang tanong ni Zea, habang nakaupo sa gilid ng kama.

Lumapit kaagad sa kanya si Ethan at pumwesto banda sa kanyang likuran. Marahan nitong hinawi ang kanyang mahabang buhok at masuyong hinalikan ang kanyang balikat.

"We have to leave, Z."

"As in, ngayon na? Aww!" halos mapapiksi si Zea, nang ibaon ni Ethan ang syringe sa kanyang leeg.

Uminit bigla ang kanyang pakiramdam at tila ba bigla siyang nanghina, habang unti-unting humahalo ang gamot sa kanyang buong sistema. Hinawakan siyang mabuti ni Ethan, at mahigpit siyang niyakap nito para maalalayan.

"Konting tiis lang, mabilis lang 'to umepekto." malambing na bulong nito.

Maingat na hinugot ni Ethan ang syringe at hi