Chapter 57

Mga alas nuwebe na ng gabi pero gising pa din ang diwa ni Lhalhaine. Iniisip niya kung paano ba niya, gagawin ang plano niya ngayon bumalik ulit si Gleanne rito sa Nevada dahil sa nangyari kay Tyeron. Panigurado, laging magkasama ang dalawa. Napa buntong hininga siya at napatitig siya sa anak na inosenteng natutulog, he's really Tyeron xerox copy, mga mata nito at pilikmata. Ilong at labi ay mana sa ama. Niyakap niya ang anak at saka hinalikan ang pisngi at noo nito.

"Paano kaya natin mababawi ang Ama mo?" pabulong na tanong niya sa anak sabay tihaya ng higa.

Mga ilang minuto rin siyang tulala nang may narinig siya may nag door bell. Nagtatakang napaupo siya sa kama.

"Sino naman kaya pupunta rito ng ganitong oras? Ah, baka si Mikael na naman, haha....baka binasted ni Mari,"

natatawang sabi niya at saka tumayo.

Oo, aware siyang may namamagitan sa dalawa, ayun nga lang mukhang 'di na talaga pwede si Mari dahil may asawa ito. Naawa nga siya kay Mikael, halata kasing gusto nito ang babae.