Chapter 39: Love Advice from Shyra and Lara

Parang gusto ni Mari sabunutan ang sarili sapagkat litong lito siya sa nararamdaman ng mga sandaling 'yon. Naiinis siya sa sarili dahil bakit nakaramdam siya ng galit at sakit sa tuwing may kinakausap na ibang babae si Mikael lalo na kanina noong kinakausap ng lalaki si Shyra at mukhang close na close ang dalawa. Pinikit niya ang mga mata at binuksan ang gripo nilagay ang kamay sa dumadaloy na tubig at hinalamos niya sa kanyang mukha ang tubig nasalo ng kamay niya.

"Nandito ka lang pala, kanina ka pa namin hinahanap," ani ng tinig mula sa likuran niya.

Sa gulat ay napatalon siya at nanlalaki ang matang napatitig kay Shyra na ngayon ay nakatayo sa gilid niya.

"Oh? Ba't gulat na gulat ka?" natatawang tanong nito.

Huminga siya nang malalim. "Kanina ka pa?" mahinang tanong niya.

Matagal siya minasdan ng babae. "Ang lalim ah, mukhang may gumugulo sa isip mo, alam mo mare, hindi maganda iyang kinikimkim mo ang sama ng loob mo o saloobin mo, dapat ilabas mo."

Bumuka sira ang labi niya sa