Chapter 19 (Part 1)

Samantha

"I now pronounce you, husband and wife. You may now kiss the bride." nakangiting sabi pa ng Judge sa'ming dalawa.

Wala ako sa sarili sa buong seremonyas. Hindi ako makapaniwala sa lahat ng nangyayari. Parang kay bilis-bilis naman. Sing bilis ng pagpapatakbo n'ya ng kanyang sasakyan kanina. Sa loob ng dalawang araw ay biglang nagbago ang aking buhay. Ang aking kapalaran.

Ayaw ko bumaba ng kotse n'ya kanina pero hinatak n'ya ako. Malaki s'yang tao, malakas, kaya ng hatakin n'ya ako napalabas din ako ng sasakyan.

Napakalaking dalawang palapag na bahay ang bumungad sa harapan ko. Inisip ko agad bahay ng mga magulang n'ya para ipakilala ako. Kinabahan ako bigla. Ayaw kong sumama sa kanya sa loob. Natatakot ako kung ano ang sabihin nila sa akin. Sa pagkatao ko. Baka husgahan din nila ako kagaya nitong lalaking kasama ko kaya nandito ako ngayon sa magulong sitwasyon. Kung ano-ano pang negatibo ang pumasok sa utak ko kaya nakipaghatakan ako sa kanya ng aking braso. Pero 'di n'ya ako p