Chapter 55: Sweetness overload

Magkahawak kamay silang naglakad sa red carpet, sa gitna ng maramihang flash ng camera mula sa mga journalist at news broadcasters. Maraming tao, at halos lahat ng dumalo ay kilala sa iba't-ibang parte ng Japan.

At dahil may branch company at iilang partners ang mga Santillan sa bansang ito, sila ay hindi na bago sa publika. Lalong-lalo na sa larangan ng negosyo. Ang kanilang beauty products ay higit na in demand ng mga tao dahil sa maganda nitong epekto at hatid na ganda sa mga manggagamit.

Mula sa pamamahala at founder ng negosyo at produkto na si Señora Mathilda Santillan hanggang sa pamumuno ng apo nito na si Xerxes Santillan ay nag lagda ng kahanga-hangang marka sa negosyo ang naturang pamilya.

Marami rin ang naghahangad na mga negosyante na maging partners ang mga ito, dahil bukod sa magandang pamamalakad at pantay na profit shares, ay mababait rin ang mga ito at hindi mahirap kung kausapin at madali lang din malapitan.

Kanina pa naiilang si Kriesha sa harap ng maraming tao,