Kabanata 61 Control

Nagpunta sila ni Noah sa presinto upang ipakita ang larawan ng dalawang suspect sa pagpatay kay Ms. Santos. May criminal record ang dalawa. Hitman ang mga ito. May inilabas ng warrant of arrest ang mga pulis. Sana ay maaresto at masabi ng mga ito kung sino ang nag-utos sa kanila. Si Noah ang nagprisintang magdrive pauwi. Wala pa siyang tulog, galing sila sa lamay at dumeretso na sa istasyon ng pulis.

“Kunin mo akong empleyado sa Tech Systems. Part ng audit team. Huhulihin natin ang magnanakaw.”

“Noah, stay out of this. May binubuo na kaming bagong audit team.”

“Paano kung ang binubuo mong team ay sila pala ang salarin? Kailangan mo ng ibang tao na hindi galing sa kumpanya mo. Mga taong hindi kayang bayaran.”

“Anong kapalit?”

“Gusto ko lang mapabilis ang pag resolba mo sa kaso para mas mabigyan mo ng time si Eli.”

“Paano ako magtitiwala sa’yo? Sa totoo lang isa ka sa suspect ko. Wala akong tiwala sa’yo kaya hindi madaling tanggapin ang offer mo.”

“Hindi kita masisisi pero kung galing s