Kabanata 19.1

Humupa na ang baha, nalinisan na rin ang daan kaya nasundo na silang dalawa. Maayos na rin ang karagatan at naghihintay na lang si Monique nang susundo sa kaniya. Pitong oras ang byahe nila kaya matagal pa ang hihintayin niya.

Iginagayak na rin ng mga tauhan ni Aidan ang mga gamit niya dahil sasabay na siya kay Monique sa pagbalik sa Manila.

“Ate, dalhin niyo na po ito mga bagong ani lang po yan kanina.” saad ni Berth habang dala-dala ang basket na may laman na mga mangga, pinya at rambutan.

“Nag-abala pa kayo pero salamat. Maraming salamat sa mainit na pagtanggap niyo sa akin dito. Hindi ko kayo kakalimutan.” Saad niya sa mga tauhan ng isla.

“Nandyan na ang yate na sasakyan niyo,” wika ng lalaking sumundo noon kay Monique. Hinarap ni Monique ang mga nakasama niya sa isla ng ilang araw. Lahat sila ay kabutihan ang ipinakita sa kaniya at hindi niya yun makakalimutan.

“Sana makabalik ka pa rito iha, hihintayin ka namin.” saad ni Nanay Narcy. Nilapitan ni Monique si Nanay Narcy at n