Chapter 26

"Anong ginagawa mo?! Magnanakaw! Magnanakaw!" Sabi niya at hinawakan pa ako sa kamay. Sa inis ko ay linabas ko ang wallet ko at humugot doon ng makapal na pera. Mahinang sinampal ko ito sa mukha niya at iniwan siya doon. 

Bali tatlong linya ang mga lalaking nagtutulong tulong, pumunta ako doon sa pinaka dulo. Kung saan wala si Hustzy. 

Inagaw ko yung timbang may tubig at binuhos ko iyon sa sarili ko. Inagaw ko ulit yung isa pang timba at linublob doon ang makapal na kumot. 

Nagbubulong-bulongan na iyong mga taong nakakakita sa ginagawa ko. Kaya mas binilisan ko pa, ang hirap basahin. 

Nang tuloyan ng mabasa lahat, kinuha ko ito. Halos mahirapan pa akong ilabas ito sa timba dahil mabigat ito. Masyadong makapal. 

"Miss, papasok ka ba?" Tanong nung lalaking inagawan ko ng timba kanina. 

Tumango ako dito. 

Umiling-iling ito. 

"Ililigtas mo iyong bata?" Tanong niya ulit. 

I nodded.