Kabanata 20

Kabanata 20: 'Ace'

Umalis ako agad, mas mabilis pa kaysa sa normal na bilis ko. Umaasang walang makakasunod sa susunod na galaw na gagawin ko. Hindi ko tuloy alam kong sino ang paniniwalaan ko sa pagkakataon na ito, kaya't ang tanong na tumatakbo sa isip ko sa mga oras na ito ngayon, sino ang dapat na paniniwalaan ko? O kung kailangan bang pati siya pagkakatiwalaan ko.

Ang sinabi kong dahilan sa kanya ay pahapyaw lang sa totoong mangyayari na nakalagay sa sulat o mensahe ba ang tawag doon. Kailangan ko pang pumunta sa mundo ng mortal para kompirmahin ang tunay na magaganap. Puro haka-haka pa lang ang nasa isip ko, wala pang kasiguraduhan kong iyon nga ba talaga ang mangyayari, at bumabase lang ako sa nakalagay sa sulat.

Ngunit kagaya ng mga nababasa kong kwento sa libro, may pag-asa kayang maging wasto ang nakasulat naming tadhana, kahit alam kong malabo iyong mangyari, at walang basihan ang magiging kalalabasan nito. May kirot sa aking puso tuwing naalala kong may posibilidad na hin