Chapter 41: What Happened To Trixie?

Kirsten Encarlight 

What the hell? 

Hindi ko alam kung ano ang magiging reaksyon ko si nakikita ko. Lahat ng estudyante na narito ngayon ay pinagkakaguluhan si Trixie. Nakahiga ito sa gitna ng damuhan at wala itong saplot. May mga sugat at gasgas din ito sa parte ng katawan niya. 

Agad akong nakisingit doon at saka hinubad yung jacket ko upang takpan yung katawan niya. Kinapa ko yung pulso niya at naramdaman kong tumitibok parin iyon. 

"Tulungan niyo 'ko!" sigaw ko sa kanilang lahat. Walang kumilos sa kanila, bagkus ay pinag-usapan pa nila ako. 

"Hindi ba, magkaaway silang dalawa? Bakit kung umarte siya parang concern na concern siya?" Dinig kong anas ng iba. 

Hindi ko iyon pinansin bagkus ay inalalayan ko si Trixie. Masyado siyang mabigat dahil wala itong malay ngayon. Isinampa ko sa balikat ko 'yung kamay niya upang maalalayan ito. 

Sinamaan ko ng tingin ang lahat ng narito. Akala ko ba itinuturing