Chapter 12

Papunta sina Cally at Ryan sa isang kilalang restaurant para makipag-meet sa isa sa mga investor ng company at pagkapasok nila sa loob ay agad na nila itong nilapitan.

"Mr. Enriquez!" magiliw na bati ni Cally sa lalaking may katandaan na at nakipag-kamay rito.

"Ms. De Silvia! Lalo ka atang gumaganda," ganting bati ng investor kay Cally sabay halik nito sa ibabaw ng palad nito na lihim namang ikinaasiwa ng dalaga.

Gustong matawa ni Ryan sa lihim na reaksyon ni Cally at nang tumingin ang investor ay siya namang ngiti nito ulit ng ubod ng tamis kahit na ang totoo ay hindi nito gusto ang ginawang paghalik ng matanda sa kamay niya.

"Kayo talaga, napaka-bolero niyo pa sa edad niyong 'yan," sabi ni Cally habang patuloy lang siya sa pag-ngiti ng pilit na kunwari ay gusto niya talaga itong kaharap.

Kung hindi lang investor ang matandang si Mr. Enriquez ay hindi niya ito kakausapin dahil noon pa man hindi na talaga siya komportable sa presensya nito tuwing may meeting sila.

"Don't mention my ag