Chapter 43-CM RAIDER

NANG MGA SUMUNOD na mga araw ay madalang na sila nagkikita at magkakasama ni Cm. Tuwing nasa opisina si Cm ay palagi naman itong busy. Kapag dumating naman ang oras ng uwian ay mas maaga pa si Cm umaalis ng kompanya.

Alam ni Nathalie kung sino ang palaging mga kasama ni Cm. Ang mag-inang Dianna at Bianca ang palaging kasama ng lalaki. Paano niya makakaligtaan iyon kung animo ay katulad siya sa secret detective na minamanmanan ang bawat galaw ni Cm.

Paglabas ng kumpanya ay sinundan niya ng palihim ang kotse minamaneho ni Cm. Huminto ang sasakyan nito malapit sa park.

NABIGLA NA LAMANG si Cm ng biglang lumitaw na lang si Nathalie. Hindi niya kaagad napansin ang pagdating ng dalaga.

"Cm," ani Nathalie na papalapit sa inuupuan niyang bench na gawa sa semento.

Napapansin ni Cm na namumula ang mukha ng dalaga. Ilang araw rin na hindi sila magkakasama ni Nathalie. Nitong mga nakaraang araw ay sina Dianna at Bianca ang kasama niya, sinasamahan niya ang mag-ina sa tuwing namamasy