Chapter 57-Xander Raider

BUMUNGAD sa pang-amoy ni Xander nang pumasok siya ng kusina ang mabangong nilulutong pagkain. Nadatnan niya si Mommy Margaux na busy ito sa pakikipaglaban sa harap ng kalan. On hands ang kanilang ina pagdating sa mga pagkain nila.

Lumapit siya sa ina na busy sa harap ng kalan, hindi yata napansin ang presinsiya niya.

“Ma, marami yata kayong pagkain inihahanda?” hinalikan niya sa pisngi si Mommy Margaux.

Maluwang na ngiti naman ang sumilay sa mga labi ng Ginang. “Kanina ka pa ba dumating?” Tanong nito na saglit lang siya pinasadahan ng tingin.

“Kakarating ko lang, Ma. Maaga kasi natapos ‘yong meeting ko with clients.”

Simula nang nakabalik na siya sa tunay niyang pamilya ay inalok siya ng kanyang Daddy Calyx na hawakan ang isang departmento ng Raider Company. Hindi niya naman inayawan bagkos buong puso niyang tinanggap. Atsaka pabor na rin sa kanya upang makasama ang buong pamilya niya, maliban na lang kay Cm na bumukod na ito kasama ang asawa si Nathalie. Gayon pa man p