Chapter 26-Pagdududa sa tunay na motibo

"KUMUSTA ang feeling prensisa ng ilang araw dito?" nang-uuyam na bati ni Maragaret kay Nica nang ma solo ito. Kanina pa sila dumating kasama ang asawa at sa sunod na araw na ang kasal ng mga ito. 

Ngumiti si Nica ng mapang-asar sa madrasta. "Hindi ba obvious para itanong mo pa sa akin iyan?"

Tumikwas ang gilid ng labi ni Margaret kasabay ng kanang kilay nito. Masama ang tinging ipinukol kay Nica nang umismid ito sa kaniya.

"Magsaya ka ngayon, huwag mong kalimutan na lahat ng tinatamasa mo ngayon ay may kapalit. Sisiguraduhin kong madudurog ang iyong puso." Banta ni Margaret kay Nica.

Biglang kinilabutan si Nica sa narinig, mukhang bruhang sumusumpa sa kaniyang harapan ngayon ang madrasta. Dali-dali siyang tumalikod at iniwan ito kahit hindi pa ito tapos magsalita.

"Margaret, may kaaway ka ba?" tanong ni Luisa sa kaibigan nang makita ang galit sa mukha nito. Naabutan niya itong nakatayo mag-isa sa sala at may tinatanaw sa labas.

Biglang