Chapter 39: Hurt

Hindi ako pumayag sa gusto niya at buti okay lang sa kanya. Sa susunod ko na lang isusuot.

Kaya naman habang kumakain kami ay tahimik lang kaming dalawa. Inaya ko kumain ang mga kasambahay ni Enrico pero nahihiya sila.

"Bagay sa 'yo." Nakangiting sabi ni Enrico dahil suot ko ang damit niya.

"It suits me good ba?" tanong ko habang sumubo ng saging.

Napadila siya sa kanyang labi. Mas lalo ko pa siyang inasar, malaki ang bawat subo ko sa saging. Nakita ko naman ang adams apple niyang sunod sunod ang paglunok niya.

"Umayos ka, Alexi." Banta niya sa akin sabay iwas ng tingin. Sa loob ko ay gusto ko ng tumawa.

Pagkatapos namin kumain ay napatingin ako sa Kyla na kasambahay niya. Ang sakit ng tingin niya sa akin, hindi ko ba alam kung bakit gano'n siya makatingin!

Tumayo ako at kunwari ay maghuhugas ako sa lababo pero ang totoo ay nilapitan ko si Kyla. Gulat na gulat ang kanyang itsura nang lapitan ko siya.

"May problema ka ba sa akin?" mahinang tanong ko at bigla siyang yumuko at umiling