Kabanata 13

PAGKATAPOS mag-hot shower ay lumabas na si Eliana ng silid suot ang damit at boxers ni Sylvan. Nadatnan niya ito sa kusina na abala sa pagluluto ngunit nang maramdaman ang presensiya niya ay agad itong huminto, pinagmasdan siya mula ulo hanggang paa saka ngumiti.

“Bakit?” tanong niya.

“Nothing.” Binalik nito ang pansin sa pagluluto ngunit hindi mawala ang ngiti nito sa labi.

“Alam kong nakakatawa ang hitsura ko dahil malaki sa akin ang damit mo pero mas okay na ito kaysa naman ung basa kong damit ang suotin ko,” litanya niya habang nililibot ng tingin ang kabuuan ng condo.

“You still look pretty, Eliana. Kahit ano pa ang suot mo.”

Huminto siya sa ginagawang pagmamasid at tumingin kay Sylvan na seryoso sa ginagawa.

“I will take that as a compliment, Sylvan,” aniya ngunit ang puso niya ay parang tinatambol sa lakas ng tibok nito.

Bahagya siyang lumayo sa island counter upang hindi mapansin ni Sylvan na namumula siya at nag-iinit ang pisngi niya. Aminin man niya o hindi ay malaki ang ep