CHAPTER 24

Pag angat ng ulo ni Jake at pagpaling nito sa nilalakaran namin ni Mr. Loi ay napahinto ito sa kaniyang paglalakad kasabay ng mga tauhan din nito na napatigil din at napatingin din sa dereksyon namin.

Nakita ko kung paano niya sinabihan ng palihim ang kasama nitong babae na agad na tumango at inaya palayo ang mga kasama pang mga tauhan. Saka mabilis kaming sinalubong ni Jake.

Nasa harapan ko na si Jake pero tanging titig lamang ang ipinakikita nitong reaksyon sa akin. Hindi ito ngumingiti bagkus ay nagpamulsa ito.

"You're here..." ang tanging nasambit lamang nito.

"Bakit kailangan ko pang magsuot ng ganitong damit para makipagkita sa'yo, sir?" mahina kong tanong.

"Dahil ayaw kong husgahan ka ng mga taong masasalubong mo base sa iyong kasuotan. Hindi basta basta ang lugar na ito Joyce, kung pupunta ka rito sa nakasanayan mong pananamit ay baka masaktan at mainsulto ka sa kung anong reaksyon ang makikita mo sa mga taong masasalubong mo. Hindi ba't ayaw mo iyong mangyari? At simple lam