Oliver Datu

Rhianna'POV

Narito kami ngayon sa Head Quarters at inihahanda ang grupo para sa gagawing paghuli sa mga tauhan ni Don Ysmael. Kompleto ang grupo. Kaya alam kong kayang-kaya namin ito.

"Kailangan maging maliksi kayo. Huwag niyong hahayaan na mapahamak kayo. Malaki ang tiwala ko sa inyong grupo. Konting panahon nalang mahuhuli na natin si Don Ysmael. Lalabas yan kapag alam niya ang nangyari. Pwede na kayong umalis. Mag-iingat kayo." Pagtatapos ni Agent Jerald sa pulong.

Tumayo na ako maging ang mga kasamahan ko. Naglakad na ako patungo sa pintuan nang may humawak sa kamay ko. Nilingon ko kung sino iyon. Si Leo. Agad naman niya itong binitawan.

"Fuck! Muntik na!" wika ni Leo na napasabunot pa sa kaniyang buhok.

Napakunot-noo ako sa tinuran niya pero agad din nawala iyon nang maalala na nandito pala si Agent Jerald kaya naiintindihan ko siya. Nauna na siyang lumabas ng pintuan at sumunod ako. Nang makalabas kami nasa labas na rin ang mga kasamahan ko. Sumakay na ang mga ito sa loob.