CHAPTER 12

ISANG MALAKAS NA SUNTOK ang pinakawalan ni Don Rafael sa mukha ng binata.

"Walang hiya ka!!!" Nanggigil ito sa galit nang matapos nito marinig ang pahayag niya tungkol sa kasunduan ng kanilang pamilya.

"Patawarin ninyo po ako Don Rafael pero inaatras ko na po ang sa anak ninyo," matatag na sabi niya habang nalalasahan ang dumudugo niyang bibig.

Hindi pa nakontento si Don Rafael at kwenilyuhan pa siya nito.

"Alam mo ba kung ano ang maaaring mangyari sa kompanya kapag pinagpatuloy mo iyang mga plano mo?" galit na galit na sigaw nito sa kanya at pabagsak siya nitong binitawan sa sahig.

Napaigik siya sa sakit nang maramdaman ang tadiyak nito sa kanyang paanan.

"Nagkamali ang papa mo sa pagpapalaki sa'yo iho, masyado kang hambog at makasarili!"

Dahan-dahan siyang tumayo at taas noo itong tinignan. Hindi siya dapat masindak sa mga pananakot nito dahil alam niya sa sarili niyang kaya niyang lutasan ang problema ng Kompanya gamit ang mga iba't ibang assets niya. Bata pa lamang siya ay inihens