MAAGAP si Tristan, lumapit na agad nang mapansing tila nagiging marupok na si Agatha. Lahat ay natigilan sa nakitang pagkapagkit ng mga tingin ng dalawang CEO na ngayon ay magbusiness partner na."Kailangan n'yo ng bumalik ng mansyon, Senorita." ani Tristan saka sinalubong ang mapanuring titig ni Khevin. "Sige," iniabot ni Agatha ang kanang-kamay kay Tristan upang alalayan siyang makaahon sa tubig. "Talaga bang kailangan mo ng umalis?" Nakakunot-noong tanong ni Khevin. Marami pa siyang gustong tuklasin sa kaharap. "Hinihintay ka na ni Señorito Kheanne," ani Tristan na nakatingin sa pinsan. "Kheanne?" Nagtatanong ang mga matang saad ni Khevin. Tama nga yata ang hinala niya, haliparot ang heredera sa kabila ng pagiging mayaman at edukada. Gusto niyang mapailing. "N-nobyo mo?" tanong ni Khevin. Napangiti lang si Agatha, makahulugang tingin ang ipinukol kay Tristan na natawa dahil sa narinig. Kung alam lang ni Khevin na si Kheanne ay anak nito. Kapwa sila natawa ni Agatha. "Hindi,"
"SALAMAT," Saad ni Khevin saka inilahad ang palad upang kamayan si Agatha bilang pasasalamat sa naging pagtanggap nito sa kanila sa hacienda. Tinanggap naman ni Agatha ang palad nito ngunit pinigilan ang sariling ngitian ito. "You're welcome, Khevin-" Lihim na nakadama ng lungkot si Agatha. Tila lalo pang naging hungkag ang pakiramdam nang malingunan ang anak na kumaway at nginitian ang hindi nakikilalang ama. Nakita niya ang pagsilay ng dimples ni Khevin nang gumanti ito ng ngiti sa kanilang anak. "Maraming paraan, Sir Khev," Sa gitna na ng pagmamaneho ay suhestiyon ni Mang Emil. Nasa malalim na ng pag-iisip si Khevin habang binabaybay ng sasakyan nila ang daang palabas ng Villa.Paanong kamukhang-kamukha niya ang anak ni Agatha Mondragon? "Kailangan nating makabalik sa Villa Agatha sa lalong madaling panahon, Mang Emil." Dama ni Khevin na may itinatago si Agatha Mondragon na gusto niyang alamin. "Kamukha n'yo ang anak ni Miss Agatha, Sir Khev!" Bulalas na opinyon ni Trixie, wala
NANLALAMBOT ang mga tuhod ni Agatha habang humahakbang papalapit sa katawan ng ama na wala ng buhay. Humigpit ang pagkakahawak niya sa braso ni Tristan. "Agatha-" Naglandas ang mga luha sa pisnge ni Agatha. Inihanda na siya ng ama sa pagpanaw nito ngunit tila hindi niya napaghandaan ang damdamin na maaari palang mas masakit pa sa inaasahan niya. "Tristan," sumubsob siya sa balikat ng pinsan. Masuyo siyang inakbayan nito. "Magpakatatag ka." Tumango si Agatha, hindi siya pwede magpakita ng kahinaan. Sa pagkawala ng ama, tila naipasa na rin sa kaniya ng tuluyan ang napakalaking responsibilidad sa mga naiwan nitong pag-aari. Dapat isa siyang matatag na Mondragon. Pinahid ng dalaga ang mga luha saka tinatagan ang loob na nilapitan ang ama na payapa ng nakahimlay. "Salamat sa lahat, Papa. Hindi kita bibiguin." Sa unang araw pa lang ng burol ni Don Sylvestre, ipinagluksa na ng buong Villa ang kamatayan nito. Iniyakan ng lahat at dama ang matinding kalungkutan sa buong hacienda. Nagsuot
NABALING ang atensyon ni Khevin kay Kheanne, napatitig siya sa munting mukha nito na tila replika niya. Humawak na ang munting palad nito sa kamay niya."I'm sad-" lumabi si Kheanne at akmang iiyak na kaya maagap na niyakap ito ni Khevin. Magaan ang loob niya sa anak ni Agatha. Makahulugang nagkatinginan sina Tristan at Agatha. "Dapat matapang ka palagi, kasi iyon din ang gusto ng Lolo Seve mo." Masuyong inalo ni Khevin ang buhok ng hindi nakikilalang anak. "Yes po," Nagpahid ito ng luha gamit ang likod ng palad. "Dapat brave ako always.""Yaya, dalhin mo na sa silid niya si Kheanne." Utos ni Agatha sa Yaya nito na tumalima naman. Halos ayaw pang bumitiw ni Kheanne sa hindi nakikilalang ama.Muli naman itong niyakap ni Khevin, tila ayaw niya ring mawalay sa tabi niya ang munting Mondragon. Tila naging larawan sila ng isang pamilya. "Bye, Tito Tristan!" Humalik muna ito sa Tito nito at sa ina saka sumama na sa Yaya nito pabalik sa silid nito.Sinundan na lamang nila ito ng tanaw hab
SERYOSO, matiim at nanunuot ang mga titig ni Agatha sa paparating na si Cassey. Umiimbay ang balakang nito, modelong-modelo gumalaw. Maganda, sexy at sopistikada. Sinulyapan ni Agatha si Tristan, mas naging alerto ang pinsan maging ang mga kasama nitong bodyguard. Kilalang-kilala nila ang pagkatao ni Cassandra, maliban sa pagiging plastik ang pag-uugali ay traydor ito. Kasama nito ang personal assistant nito na si Ayezha, driver at dalawang personal bodyguard. Damang-dama ni Agatha na ang pakikiramay nito ay tila formality at hindi pakikisimpatiya. "Condolence, cousin." B****o si Cassey. Yumakap din ito at nagpahid ng pekeng luha. "Nakilala din kita sa wakas!" "Salamat," Mas malamig pa sa yelong sagot ng heredera. Napasulyap si Agatha sa kinaroroonan ni Khevin, mataman lang itong nakamasid. Bahagya lang itong sinulyapan ni Cassey saka sumilip sa coffin ni Don Sylvestre. Nagkatinginan sina Tristan at Agatha. Parang gustong hilain ni Agatha ang modelo papalabas ng mansyon dahil sa kap
BUMUHOS ang emosyon nang ihatid sa huling hantungan si Don Sylvestre, buong Villa ang nagluksa at lumuha. Hindi matatawarang utang na loob para sa nag-iisang Don Sylvestre Mondragon. Mahusay na negosyante, Boss at pinaka-down to earth na bilyonaryo sa Bayan ng Zambales. Minahal ng taong-bayan, ang pagiging pilantropo ng Don ay tumatak sa gitna ng mga mahihirap na kababayan ni Don Sylvestre. Bukod-tangi.Nanatiling kalmado si Agatha sa kabila ng pagluha. Tanging si Kheanne ang yumakap sa ataul ng Lolo nito at nagpalahaw ng iyak habang nakaalalay si Agatha sa anak. "Kheanne. ." Lumapit na si Khevin sa mag-ina. Hindi niya maintindihan ang sarili kung bakit tila pinipiga ang damdamin niya sa nakikitang paghihinagpis ng anak ni Agatha? Nang makita nman ni Kheanne ang hindi nakikilalang ama ay mabilis itong yumakap sa binata. Inalo naman ito ni Khevin, pinatahan at kumalma naman. Panay ang pahid ng luha ni Agatha, sinisikap niyang magpakatatag. Napaka-ikli ng mga taong pinagsamahan nila ng
MALUNGKOT na tinanaw ni Agatha ang malawak na hardin ng Villa. Tila nakikisimpatiya sa kaniya ang malamlam na liwanag ng mga bombilyang naroon. Humugot ng malalim na hangin si Agatha, yaman at karangyaan, impluwensya at kapangyarihan. Ano pang kulang sa kaniya bilang Agatha Buenamente Mondragon? Ipinag-utos niya kina Tristan na hayaan muna siyang mapag-isa sa veranda. Gusto niyang mag-isip. Huminga mula sa nakalulunod na estado ng buhay. Tama ang kaniyang Papa, walang silbi ang kayamanan kapag binawi na ng Lumikha ang hiram na buhay. Pinahid ni Agatha ang namalisbis na luha sa pisnge. Huling pagluha niya na ito, ipinangangako niya sa sarili. Ang matinding kalungkutan dahil sa pagkawala ng ama ay tila pumipiga ng kaniyang damdamin. Ipinakita niya ang katatagan niya sa lahat bilang Mondragon ngunit ang totoong naramdaman bilang Buenamente, hindi. "Umiiyak din pala ang isang Agatha Mondragon?" Tinig mula sa kaniyang likuran. Awtomatikong napalingon si Agatha. Nagkasalubungan ang mga
NAGHITIT-BUGA ng usok mula sa vape si Agatha saka dumekwatro, naiiling na tinitigan siya ni Tristan. "Bakit hindi ka na lang magreveal ng real identity para matapos na?" ani Tristan. "Para ano? Para manganib maging ang buhay ni Kheanne?" Sagot ni Agatha. Hindi siya natatakot sa panganib ng buhay niya, pero may anak na siya ngayon na kailangang protektahan. Higit sa sarili, mas mahal niya ang buhay ng anak nila ni Khevin. "Agatha, iba ka na ngayon maimpluwensya ka na maraming puprotekta sainyong mag-ina." Malalim na nag-isip si Agatha saka sarkastikong napangiti. "Kapag inilantad ko ang katotohanan, gagawa ng paraan si Cassandra na kalkalin ang pinagmulan ko. Sisirain niya ako sa publiko. Tulad ng sabi mo, may pangalan na ako ngayon, isa na akong Mondragon. Tinitingala at nirerespeto." Tumango si Tristan saka nagsalin ng brandy sa baso, dinalawa niya na at inabutan si Agatha. Madalas nilang gawin ni Agatha ang magdeep talk noong nasa ibang bansa sila. Naging malapit sila sa isa't