Chapter 7

"INADD mo sa facebook ang kapatid ko?" Naiiling na huminto sa pagkain si Khevin. Nakangiting tumango si Agatha.

"Gusto mo Sir, pati ikaw?"

Nagsalubong ang kilay ni Khevin at inis na tiningnan ang dalaga.

"Boss mo ako, at isa pa hindi ako gumagamit ng social media." asik ni Khevin rito.

"Talaga Sir?! Eh, sino ito?" Ipinakita ni Agatha ang socmed account nito na "Tolentino Khevin".

"Ini-stalk mo ba ako?"

Tumango si Agatha."Add kita Sir, sige na please..."

"Tigilan mo ako." Naiiling na tinapos na ni Khevin ang pagkain at tumayo para pumasok sa opisina. Nakadama ng panghihinayang si Agatha, tiyak maghapon na naman niya itong hindi makikita. Pero nakakailang hakbang pa lang ito, lumingon ito.

"Magbihis ka, samahan mo ako sa opisina." Mariing utos nito na nagpaingos kay Ashley na papalapit sa kanila. Inirapan ito ni Agatha saka tinapunan ng ngiting tagumpay.

Nakaupo siya sa tabi nito habang nasa loob ng sasakyan, tahimik lang naman ito at nakasuot ng shades kaya hindi alam ni Agatha