CHAPTER TEN

THE NEXT four weeks were the happiest moments in Rachelle's life. Masaya sila ni Carlo dahil damang-dama niya ang pagmamahal nito. Masyadong nag-alala ito sa kanya. Nang bumalik siya sa production ng Exposed ay halos ginawa na nitong regular ang paghahatid sa kanya; kung hindi man ay kay Mandy siya ipinahahatid nito.

Pauwi na sila nang gabing iyon galing ng TV station, sakay ng kotse nito at masayang nagkukuwentuhan, nang makatanggap ito ng tawag mula kay Marga. Nagtaka siya kung bakit parang tinamaan ito ng kidlat habang kausap nito ang babae.

"Carlo... why? Is there something wrong?"

"May importante raw sasabihin sa akin si Marga. Gusto raw niyang magkita kami,"

"Why do you look so worried?"

"Saka ko na sasabihin sa iyo pagkatapos naming mag-usap. Ayokong mag-worry ka," seryosong sabi nito.

Hindi na niya kinulit ito. Ngunit hindi niya maintindihan ang kabang nadarama niya.

"AYOKO na sanang guluhin pa kayo ni Rachelle," simula ni Marg