Chapter 8

Nakatulala si Tattiene habang nakatitig sa kaniyang iniinom na alak. Ilang oras na siyang nakatulala lang doon ngunit hindi naman umiinom. Nang mapansin ni Trelicia ang inaasta ng kaibigan ay hindi niya maiwasang mapakunot ang noo.

Nagpaalam siya sa mga kaibigan bago nilapitan at tinabihan si Tattiene. Noong una ay tinitigan muna niya ito, nagbabaka sakaling mapansin siya. Pero ilang minuto pa ay nakatulala lang talaga ito habang nakatitig sa kawalan.

Napabuntonghininga si Trelicia. “Kung sobrang nag-aalala ka talaga sa kaniya, bakit hindi mo siya hanapin?”

Doon lang natauhan si Tattiene bago tiningnan ang kaibigan. Nakakunot ang kaniyang noo nang magsalita, “Huh? What do you mean?”

Napairap ito. “Akala ko gusto mong uminom kaya ka nagpunta rito. Nagtawag pa ako ng mga kaibigan ko para samahan tayo pero nagmumukmok ka lang diyan.”

“Gusto ko nga.” Pinakita niya ang kaniyang baso na hanggang ngayon ay wala pa ring bawas. Miski siya ay napatigil nang makita ang hawak.

“See? Kanina ka pan