Chapter 99

Nakatulog si Berry sa kakaisip sa sitwasyon niya ngayon, na hindi niya inaasahan na mangyayari sa kanya dahil may usapan naman sila ni Jayden na hindi siya bubuntisin ng lalaki dahil sinabi niya na ayaw niyang mabuntis dahil hindi nga siya handang maging ina. Nangako pa nga sa kanya si Jayden noon pero naalala niya rin na sinungaling nga pala si Jayden dahil lahat ng pangako sa kanya ng lalaki ay hindi natupad.

Ilang oras din na nakatulog si Berry at nagising siya dahil sa pagkatok ni Lara.

"Miss Berry, ipinatatawag ka na ni Don Alejandro." wika ni Lara na nasa labas ng kwarto niya.

Bumangon si Berry sa kama at binuksan ng bahagya ang pintuan. "Pakisabi na bababa na ako, magpapalit lang ako ng damit, Lara."

"Sige, bilisan mo na lang Miss Berry kase nasa salas na ang panganay na anak ni Don Alejandro." pahayag ni Lara na ikinabuka ng bibig ni Berry.

"Miss Berry, okay ka lang?" nag aalalang tanong ng caregiver ni Don Alejandro dahil baka mapasukan ng insekto ang bibig niya sa tagal na n