Chapter 2

Pinagmasdan ko ang sarili sa malaking salamin na nasa kwarto ko. Katatapos ko lang ayusan sa dressing room dito sa bahay pero bumalik ako rito sa kwarto ko para mas makita ko ang sarili ko. Nakasuot ako ng silver silky dress at backless ito. Silver din ang three inches na heels ko at naglagay lang ako ng kaonting alahas sa katawan. Ayaw ko sana isipin ng iba na masyado kong pinaghandaan ang pagdalo rito sa party na sinasabi ni Mommy. Ayaw ko rin naman magmukhang hindi maganda sa harapan ng maraming tao lalo na at makakatanggap ng award si Mommy para sa kompanya namin.

Nakailang tawag na rin ang mga kaibigan ko sa akin kanina pero nang maghapon na ay hindi na sila nagpaparamdam sa akin. Siguro ay naging abala na rin sila sa pag-aayos at baka naisip na rin nila na hindi talaga ako dadalo roon.

"Ate,Eli! Is it really true that Josiah will attend to that party too?" tanong sa akin ni Stella nang bigla itong pumasok sa kwarto ko.

Napairap naman ako sa kaniya at tinaasan siya ng kilay. Nang makita niya ang pagtaas ng kilay ko ay napabuntonghininga siya at walang ibang nagawa kung hindi lumabas muli ng kwarto ko para kumatok. Napangisi tuloy ako at napailing bago nagsalita.

"Come in," sabi ko.

Hindi naman na siya nagsalita pa at hindi na inulit ang tanong.

"Of course he will come. Hindi naman papayag 'yon na hindi makasama lalo na sa ganitong party," sagot ko sa tanong niya kanina pagkatapos ay nagkibit ako ng balikat.

"My goshh! I thought he wouldn't come! Kung alam ko lang sana ay nagpumilit ako kay Mommy na 'wag na akong isama," pagrereklamo niya sa akin.

"At bakit naman? Hindi ka naman ginugulo ni Jos. Isa pa mas gusto ko siya para sa'yo kaya hindi ako titigil na i-ship kayong dalawa," sagot ko naman sa kaniya pagkatapos ay inirapan siya.

"What?! I'm too young for that, Ate Eli! Bakit hindi na lang kaya kayong dalawa tutal ay magka-age naman kayo," tuloy-tuloy niyang sabi sa akin dahilan nang pagtawa ko.

"What?! Kadiri!" maarteng sabi ko pagkatapos ay napahaplos pa sa magkabilang braso ko na para bang diring-diri sa kaibigan.

Asaran at kulitan lang ang nangyari sa aming dalawa ni Stella sa loob ng kwarto ko hanggang sa kinatok na kami ni Ate dahil nakahanda na raw ang sasakyan namin papunta sa hotel kung saan gaganapin ang gathering.

As usual ay kabado pa rin ako dahil alam kong hindi basta-basta lang ang mga taong naroon at kahit na naroon pa ang ibang mga kaibigan at schoolmates ko ay hindi pa rin talaga namin maiiwasan na makasalamuha sa mga professional.

"Ipapakilala ko muna kayo sa ibang mga kaibigan ko and the rest, you can enjoy the party all night," sabi ni Mommy bago kami bumaba ng sasakyan.

Sa harap pa lang ng hotel ay marami nang photographer at media roon.

"My friends are here too, Mom. Kaya kapag nawala ako mamaya ay kasama lang nila ako," sabi ni Stella nang tuluyan kaming makababa sa sasakyan.

Sumunod lang din naman akong bumaba at kaagad kong ginala ang mga mata ko sa labas ng venue. Sa resorts world ito kaya naman dito pa lang sa labas ay marami nang tao.

"Sure. Basta ay mag-limit lang kayo sa mga gagawin ninyo all night. Ayaw kong mapahiya ha," paalala ni Mommy sa amin.

Nagkibit lang naman ako ng balikat dahil kahit naman hindi ako kasing tino ng dalawa kong kapatid ay hindi ko pa rin makakayang gumawa ng kalokohan. Wala naman nang nagsalita sa aming tatlo hanggang sa nilapitan na kami ng reporter roon pero may humarang din kaagad para hindi kami malapitan. Ang dalawa kong kapatid ay todo ang ngiti sa bawat camera na tumatapat sa kanila, samantalang ako ay nanatiling fierce ang mukha.

Kaya rin madalas akong napagkakamalan na suplada dahil hindi naman ako palangiti sa mga camera na ganito. Alam ko kasing ilalabas 'yon public kaya medyo hindi ako natutuwa. They're posting out pictures without our permission and consent! Kung sana ay nasa ibang bansa kami at katulad namin ang mga sikat na Celebrities doon pero hindi naman.

Pagpasok pa lang namin sa loob ay may nasalubong na ako kaagad na waiter na nagbibigay ng wine roon. Tumanggi si Mommy at ang dalawa kong kapatid pero ako ay huminto roon para makakuha ng isa at agad kong ininom iyon.

"My gosh, Scarlet! Hindi pa nag-uumpisa ang party pero nauna ka nang uminom," sabi ni Mommy habang naiiling sa akin.

Napangisi naman ako saglit at napailing dahil bigla akong inuhaw roon. Nasarapan ko rin kaagad ang wine at mukhang ngayon ko lang natikman iyon kaya gusto ko pa. Kaya lang ay hindi na ako muling nakakuha dahil may lumapit kaagad sa amin na dalawang matandang babae na kaedad ni Mommy.

"Celeste! Ito na ba ang mga anak niyo ni Adie? Mga dalaga na at in fairness, ang gaganda!" puri ng isang matandang babae.

"Oh yes! This is Allison, Scarlet and Stella," pakilala naman sa amin ni Mommy.

"Girls, this is Alicia and Jen. Isa sila sa mga investors ng kompanya at mga kaibigan ko," dagdag na sabi pa ni Mommy.

Ngumiti naman ako nang maipakilala kami ni Mommy sa mga ito. Nauna si Ate na nakipagkamay sa mga ito at nagpakilala ng formal kaya sumunod ako roon.

"Eliana po but you can call me Eli," pakilala ko sa sarili ko dahil ang second name ko na naman ang binanggit ni Mommy.

Nang matapos akong magpakilala sa mga ito ay sumunod namin si Stella. Nanatili naman ang tipid kong ngiti sa mga ito at iginala kong muli ang mga mata ko para hanapin ang mga kaibigan. Dala ko naman ang phone ko pero ayaw ko namang mag-phone sa harapan ng mga professional na ito para lang hanapin ang dalawang 'yon.

Muli kaming ipinakilala ni Mommy sa iba pang mga kaibigan niya roon at nang makakita ako ng lalaki ay medyo kinabahan na naman ako sa kung ano'ng pwedeng gawin na naman ni Mommy. Napatingin na lang ako kay Stella at napailing dahil baka ipakilala na naman ako ni Mommy sa mga ito.

"Your daughters are really like you Celeste. Eleganteng-elegante," sabi ng isang babae roon matapos kaming ipakilala.

"Yeah but your second child has resemblance to their father," sabi naman ng isang babae roon na mukhang halos kaedad ni Mommy.

Napangiti naman ako dahil kong ako ang tinutukoy roon. Totoo nga na hawig ko si Daddy dahil sa kaniya ko nakuha ang singkit na mata pati na rin ang puti nito kaya maraming nagsasabi na ako raw ang girl version ni Daddy.

"By the way, this is my son. Muntikan ko nang makalimutan na ipakilala," dagdag na sabi pa nito.

Napatingin naman ako sa lalaking nasa likuran nito. Nagtama ang mga mata naming dalawa at nakita ko ang pagngiti niya sa akin kaya naman nag-iwas ako kaagad ng tingin pagkatapos ay napakunot ang noo.

"This is my son, Stefan. I'm pretty sure you guys already met each other, dahil parehas lang naman kayo ng school na pinapasukan," sabi ng matanda pagkatapos ay bahagyang natawa.

"Yeah, I know him po. Sino ba namang hindi makakakilala sa anak niyo," sabi naman ni Ate pagkatapos ay kaagad nang nagpakilala.

"Really? Sikat nga talaga ang anak ko!" natawa ang matanda.

"Matunog po ang name niya sa mga classmates ko and even my friends likes him po. By the way, I'm Stella," sabi naman ni Stella.

Napanguso naman ako dahil bakit kilala nila itong lalaking 'to. Hindi ko kasi siya kilala at pero parang familiar nga sa akin ang gwapo nitong mukha.

"Eli, for sure magkakilala kayo dahil batch mate kayong dalawa," sabi naman ni Ate dahilan nang pag-iling ko.

Hindi ko talaga siya kilala at wala pa akong maalala na nakita kona siya kahit pa batch mate kaming dalawa. Mabuti na lang ay naging abala na ang mga magulang namin dahil magsisimula na ang party kaya naman nagpaalam na rin kaming hahanapin ang mga kaibigan namin. Hindi na rin ako nakipagkilala nang pormal sa lalaking kaharap namin kanina at hindi rin naman mahalaga pa para magpakilala.

"Ate, bakit ba kailangan ko pa sumama sa'yo? Nakita ko na ang mga friends ko," tanong ni Stella sa akin.

Kanina ko pa siya hila-hila dahil hindi ko makita ang dalawang kaibigan. Nakita kona ang Mommy ni Josiah pero wala siya sa tabi nito. Sigurado akong magkasama na sila ni Clara pati na rin ang iba naming barkada sa school.

"Stop asking, Stella. Kapag kasama kita ay madali ko lang mahahanap sila Josiah," sagot ko naman.

Sigurado kasi akong hinahanap na rin ni Josiah ang kapatid ko ngayon para naman kapag nahanap na niya ay makikita ko na rin sila. Wala namang nagawa ang kapatid ko kung hindi sumunod na lang sa akin dahil no choice naman talaga siya. Ako ang mas matanda sa aming dalawa kaya ako ang masusunod.

"Eli!"

"Stella!"

Sabay kaming magkapatid na napalingon sa kaliwa namin at nakita ko nga roon si Clara at Josiah na tumawag sa amin. Katulad nga nang hula ko kanina ay kasama nila ang ibang barkada sa school namin at may nakita rin akong schoolmates namin doon.

"There. Nakita mona sila. Can I go now and find my friends too?" tanong ni Stella pagkatapos ay sumimangot sa akin.

Napangisi naman ako at napailing pagkatapos ay hinila ko siya palapit sa grupo namin.

"Just say hello to them and you can leave na," sabi ko sa kaniya.

Tuwang-tuwa naman si Josiah nang mailapit ko ang kapatid ko sa kanila at kinausap pa niya ito. Hindi na rin naman nagtagal pa at umalis na rin siya.

"I can't keep my sister here, Jos. May mga kaibigan din 'yon at isa pa hindi makakasabay 'yon sa grupo natin," sabi ko nang magreklamo si Josiah dahil pinayagan ko nang umalis ang kapatid.

"Haynaku! Hayaan mona 'yang su Josiah. Ang mahalaga pumunta ka. Akala ko talaga wala ka rito!" tuwang-tuwa na sabi naman ni Clara.

Napangisi na lang ako roon at nakisali sa kwentuhan nila. May ipinakilala pa sila sa akin na kasama ng iba naming kaibigan at ilang minuto lang ang lumipas ay may isang grupo na namang lumapit sa amin.

Tumatawa ako dahil sa kwento ni Josiah sa akin nang mapatingin ako sa bagong grupo na kararating. Nawala naman ang ngiti ko nang makita ang isang lalaki roon. Si Stefan ang isa sa mga lalaking naroon at tsaka ko lang na-realize na basketball team pala silang naroon.

"Tuwang-tuwa na naman 'yang si Clara dahil nasilayan niya si Elijah," bulong sa akin ni Josiah.

Napatingin naman ako kay Clara na pabebeng umiinom sa wine niya at nang marinig ko ang tawa ni Josiah ay napakagat ako sa labi ko para pigilan na huwag matawa.

"Stop teasing her, Jos. Baka mamaya ay bawian ka niyan kay Stella," sabi ko sa kaniya dahil sigurado akong hindi ito papayag na hindi siya mababawian.

Tumahimik nga si Josiah at mukhang natakot sa sinabi ko. Binigyan niya lang ako ng wine at nakipag-usap na sa ibang mga lalaking kasama namin doon.

Nagsimula ang party kaya naman kumain muna kami roon. Hindi pa nga ako masyadong makagalaw roon dahil sa tuwing lilingon ako sa gawi nila Stefan ay nahuhuli ko siyang nakatingin sa akin kahit pa may kasama naman siyang babae. My gosh! What is his problem? Napatanong pa tuloy ako Clara kung may dumi ba ang mukha ko.

"Look Jackson. He's with his new girl. Hindi naman maganda," bulong sa akin ni Clara.

Napatingin naman ako sa gawi nito lalo na nang dumaan sila sa table namin. Parang kinurot na naman ang puso ko nang makitang may iba na talaga siyang kasama. Nang magtama ang mga mata namin ay nakita ko ang awa nito sa mga mata kaya agad akong nag-iwas ng tingin at napailing.

"Are you alright?" tanong sa akin ni Clara.

"Paano magiging okay 'yan kung ipinakita mo na naman yung ex niyang walang kwenta," sagot naman ni Josiah.

Itinawa ko na lang ang sakit na naramdaman ko at tulad nang dati ay ipinakita ko sa kanila na ayos lang ako. Sa totoo lang ay ayos naman na talaga ako. Ayaw ko lang talaga siyang nakikita at napag-uusapan dahil pakiramdam ko ay babalik lang lahat ng sakit na naramdaman ko noong unang araw na nakipaghiwalay siya sa akin.