Chapter 9: In-laws

Parang nabuhusan ng malamig na tubig ang nagliliyab na katawan ni Lara pagkarinig ng boses ng dating nobyo. Bigla siyang humiwalay kay Kaden kahit na nanghihina pa ang mga tuhod niya.

Mariin naman na kumuyom ang mga kamay ni Kaden. Ang dating mapupungay na mga mata ay biglang bumagsik habang nakatingin sa pintuan. Makakapatay ata siya ng tao ngayon.

"Lara! Alam kong nandiyan ka at may kasama! Harapin niyo ako!" si Garry na hindi tumigil sa kakakalampag sa pinto. Hindi siya tanga upang hindi maanalisa na may kasamang lalaki si Lara sa kwarto at may ginagawang milagro. Hindi siya makakapayag!

Sa mabibigat na mga hakbang ay tinungo ni Kaden ang pintuan na mabilis namang pinigilan ni Lara.

"H-Hayaan mo na. Aalis din siya."

"No. Kailangan niyang malaman na wala na siyang lugar sa iyo. That bastard needs to learn his lesson."

"Lara!" Buksan—"

Nabitin sa ere ang salita ni Garry nang bumukas nga ang pintuan. Ngunit hindi iyon ang ikinagulat niya kundi ang lalaking nakatayo ngayon sa harap ni