CHAPTER 33

Matapos pumasok ni Loraine sa kanilang silid na inookupa ay agad namang sumunod si Angelo.

"Sabi ko nga po hindi na muna ako mag-iisip ng kung ano-ano e" natatawang sambit ni Angelo habang nakaupo sa kama katabi ni Loraine.

"Dito ka na sa kama matulog, doon na lamang ako sa sofa para mahimbing ang tulog mo" saad ni Angelo sa dalaga.

"Ang lawak-lawak ng kama na ito Angelo, Bakit sa sofa ka pa matutulog pwede naman tayong magtabi na lamang dito sa kama" saad ni Loraine habang itinuturo ang kama sa binata.

"Sigurado ka ba na ayos lang sayo na magkatabi tayo sa pagtulog?" tanong ng binata sa dalaga.

"Oo naman, ayos lang sa akin dahil naniniwala naman ako na kagaya ni Angela ay mabait ka din. Wala ka namang gagawing masama sa akin diba?" tanong ni Loraine sa binata.

"O-oo naman, wala, saka matutulog lang naman tayo, hindi naman ako gagawa ng bagay na alam kong ikakagalit mo at ikakasira ng relasyon nating dalawa. At saka ayoko naman ma-busted mo agad kaya behave lang ako, sige na, mat