Chapter Thirteen

Gustong lumubog ni Claire sa kinauupuan. Magkatabi sila ni Bryan sa pandalawahang sofa habang nakahawak ito sa kanyang kamay. Nakamata naman sa kanila ang kani-kanilang pamilya.

Ibig namang matawa ni Bryan sa nakikita. Pero hindi dapat pagtawanan ang sitwasyong kinasusuungan nila ni Claire. Haharapin na nila ang konsekwensiya ng ginawa nila.

"Ano'ng pumasok sa mga kukute ninyo at may relasyon kayo?" Basag ni Tita Nelly sa katahimikang lumalamon sa kanila. Mariin ang pagkakasambit nito sa mga katagang binitawan.

Nakayuko siya habang prente namang nakaupo si Bryan sa tabi niya.

"We love each other," sagot ni Bryan sa Mama nito.

Alam niyang spoiled si Bryan sa Mama nito kaya hindi ito natatakot sa huli. Ganoon din sa Papa at Ate Lorainne nito. Gayunpaman, may respeto ito sa pamilya nito.

"You called this love?! Huh, Bryan? You called this love?" Alsa-boses na tanong ni Papa nito. Nanlilisik na rin ang mga mata nito.

Kahit kailan ay hindi