Chapter Seventeen

May taenga ang lupa, may pakpak ang balita. Naging mabilis ang pagkalat ng balitang nagbalik na ang matagal na nawala. Samo't saring usapin ang kumalat. Kesyo ganito, kesyo ganyan. Kung may natuwa sa pagbabalik ni Isadora ay marami ding nainggit lalo na ng nalaman ang tungkol sa pagpapatayo ng building para sa mga homeless people. May mga nagsasabing kaya nag-asawa ng iba ang asawa nito dahil may lalaki ito na mas mayaman, kumalat din ang haka-haka na malandi, makati, haliparot ito kaya nakadagit ng maperang lalaki at marami pang iba.

"Kambal, kumusta ang pakiramdam ng may minamahal," mapanuksong tanong ni Claudette sa kambal.

Pinasugod ito ni Duncan upang gawan ng complete and legal papers ang building na ipapatayo nila.

"Kung pumarito ka upang manukso mas mabuting bumalik ka na sa Baguio baka hindi pa alam ni Daddy na nandito ka," nakatawang sagot ng binata. Ngunit naka-akbay naman ang braso kay Isadora.

"Hoy kambal, ikaw nga ang may kagagawan kung bakit ako sumugod dito tapos pauuw