KABANATA 13.2

Kahit inaasahan kong magagalit siya sa hindi ko pagsabi ay natakot pa rin ako. Napaatras at napaiwas ng tingin.

"Alam ba ng parents mo?"

Umiling ako na kinamura niya.

Wala ako ngayon dito kung alam nila.

"What about Manang Karing?" dagdag na tanong niya bago binuksan ang gate at kinuha ang bacakpack ko.

"Alam niya ay kasama ko si Erica." alanganin akong ngumiti matapos makita ang inis niyang reaksyon.

"Damn, Brat."

Inirapan ko siya dahil sa sinabi nito ngunit sumunod din sa kanya. Diretsong akyat at papasok sa bahay niya.

Maluwang naman ata iyon, may iilang gamit. Sala na may sofa set na kawayan. Isang pinto na sa tingin ko ay kwarto. Dalawang bintana.

"Sa susunod ay magsabi ka. Paano kung wala ako? Paano ka uuwi?"

Napalabi ako nang malakas niyang ihagis ang bag ko at bag niya sa sofa. Tinalikuran pa ako at bumaba sa hagdan papuntang likod. Sinundan ko siya doon at natantong kusina iyon.

Bato naman ang pader ngunit iilan lang ang gamit. May stove at mesa naman. Dalawang upuan at iilan