Chapter 14

Todo lakas niyang itinulak si Drix.

"Hayaan mo ako! Pwede?" Pagalit na bulyaw niya dito kasabay ng panlilisik ng kanyang mga mata.

Gusto na niyang lumaya mula sa lalaki. Pero ayaw nito na ibigay sa kanya iyon.

Kaya kahit sa alak ay maging malaya siya pansamantala.

Si Drix nakatayo na lang sa harap niya habang matiim na nakatitig sa kanyang mukha, tinantya niya kung muli siyang pakikialaman nito, pero mukhang hindi na.

Hindi na nga gumagalaw sa harapan niya. Dahan dahan siyang napaupo sa sahig, kasabay ng pagluha niya.

Isang mahabang lagok pa ay naubus na niya ang laman ng boteng hawak niya.

Napasulyap muli siya kay Drix, pinanunuod lang talaga siya nito.

Pero napansin niyang parang dumodoble ang tingin niya dito. Kaya naisip niyang tinamaan na siya ng ininom niya. Hindi naman siya sanay na uminom talaga, kaya hindi malabong mangyari iyon.

"Ano tinitingin mo dyan?" Tanong niya sa pagalit na tono.

Wala lang reaksyon sa kanya si Drix.

"Diba gusto mo ikulong lang ako dito ha! Kaya umalis