Kabanata 13.4

Kabanata 13.4

“Detective, p’wede ba akong humingi ng pabor?” tanong ni Damon habang naglalakad sila patungo sa BJMP transport vehicles.

“Ano ‘yon, Mr. Walton?” tugon ni Detective Larry.

“P’wede mo ba akong ilagay sa presinto kung saan naroroon si Dr. Santos?” Huminto saglit sa paglalakad si Damon at tumingin nang direkta sa mga mata ni Detective Larry. “Pakiusap,” aniya.

“Bakit ngayon mo lang sinabi? Hindi ako sigurado kung papayag ang nakatataas sa hiling mo pero susubukan ko.” Nagulat si Detective Larry nang biglang hinawakan ni Damon ang kaniyang dalawang kamay.

“Tatanawin kong utang na loob kung mapagbibigyan mo ako sa hiling ko, detective. Wala na akong malaking halaga ng salapi pero kapag nakalabas na ako ng kulungan matapos ang isang buwan, sisiguraduhin kong makakabawi ako sa’yo. Mawawalan ng saysay ang lahat ng mga ginagawa ko kung hindi mo ako madadala kung nasaan si Dr. Santos.” Bakas na bakas ang sinseridad sa mga mata ni Damon.

“Si Dr. Santos ba ‘yong nakulong dahil sa m