Chapter 12

"DAMN IT!" mahina ngunit mariing sambit ni Art sabay hampas sa manibela.

Dalawang linggo niyang tiniis na hindi magpakita sa dalaga. Iniisip niyang iyon ang mas makabubuti para sa kanila. Aaminin niyang nasaktan siya nang sabihin nitong mahal pa rin nito ang kasintahan.

Sabi niya sa sarili niya, bakit ba niya ipipilit ang sarili niya sa isang taong iba ang minamahal?

Kaya't pilit niya itong iniwasan. Maging sa mag-asawang Greg at Toni ay hindi na rin muna siya nagpakita. Ayaw niyang makarinig ng kahit na anumang tungkol dito. Pilit niyang inabala ang sarili sa trabaho, halos ay ayaw niyang may mababakanteng oras.

Sa gabi naman ay laman siya ng iba't-ibang bar sa Metro Manila.

Ilang kababaihan na rin ang nagtangkang lumapit sa kanya. Ngunit bago pa lamang niya hahalikan ang mga ito ay agad nang pumapasok sa isip niya ang naka-irap na imahe ni Cassandra. Agad siyang gumagawa ng paraan para makaiwas.

Parang nakakaloko lang.

Nakaka-gago l