Chapter 17

It was Sunday. Day off niya. Patamad siyang bumangon sa kama at dumeretso sa banyo. Inayos niya ang sarili. Suot pa rin niya ang malaking T-shirt ni Zach pero hindi na ang boxers nito. Nagpalit na siya kagabi ng undies niya. Masyado namang halata kung hindi niya papalitan ang pang-ilalim na iyon ng lalaki.

Itinali niya ang buhok saka lumabas ng banyo. Maghahanda pa siya ng kaniyang makakain. May niluto siyang adobo noong nakaraang gabi na inilagay niya sa ref. Siguradong okay pa iyon. Magpiprito na lang siya ng itlog at magtitimpla ng kape. Magsasaing na rin siya nang marami para abot na hanggang hapon.

Pagbukas niya ng pintuan ng kaniyang silid ay napaawang ang kaniyang mga labi. Bahagya rin siyang napaurong nang makitang may kasama siya roon na naka-pajama lang at walang pang-itaas!

Napalunok siya. Parang sa anyo pa lang na iyon ni Zach ay busog na busog na siya.

Tahimik niya itong pinagmasdan. Nakatikod ito sa kaniya habang nagkakape kaya hindi siya nito nakikita. Noon niya napa