16 Ang Kapatid Ni Elijah

Elijah's POV

Pumasok sila sa kwarto niya at hinarap si Charlotte sa kanya. Tinitigan niya ang mukha nito.

"Sigurado ka bang okay ka na?"

"Gumaan na ang pakiramdam ko, nasuka ko na ang dapat isuka, kaya bukas mas okay na ako."

Tumango naman siya. "Hindi ka naman ba sinaktan ni Elisse?"

"Hindi, pero may sakit ba siya sa pag-iisip? Bakit ganun ang inaakto niya?"

Lihim siyang napangiti. Mukha naman kasing baliw ang kapatid niya sa itsura nito ng dumating siya.

"Ganun talaga siya, paiba-iba ng mood, pero mabait 'yon mukha lang hindi."

"Yung damit niya sa cabinet mo. Parang hindi naman niya sinusuot 'yon, base sa suot niya ngayon."

"Kung paiba-iba siya ng mood, ganun din ang fashion niya." Sinalat niya ang leeg ni Charlotte. Malamig na ang nararamdaman ng kamay niya, mukhang tama ang sinasabi nito na magiging okay na ito bukas.

"Bakit nga pala siya umuwi dito?"

"Trip na naman niyang dito tumira."

Kumunot ang noo ni Charlotte."Akala ko ba hindi siya dito nag-stay? Ang sabi mo nagpapalit lang