Chapter 10

"DITO tayo magbabakasyon?" nagtatakang tanong ni Olive.

"Yes. Hindi mo ba nagustuhan, asawa ko?" tanong ni Nickson.

"Ang akala ko kasi sa isang hotel tayo matutulog tapos may beach sa harap. Pero, ano ito?" naguguluhan sabi ni Olive. Isang resort ang inaasahan niyang pupuntahan nila rito sa Siargao.

"This place is nice, asawa ko. Tingnan mo ang magandang tanawin. Di ba kitang-kita ang dagat sa baba. Ang lupang ito ay pag-aari namin. May caretaker dito pero hindi kalayuan ang bahay nila," wika ni Nickson saka lumanghap ng sariwang hangin.

Nasa isang bundok sila sa Siargao. At ang bahay na tinutukoy ni Olive ay isang bahay na gawa sa kahoy. Pero malaki naman. Magkakalayo ang mga nakatira. Private property kasi ang lugar kung saan sila titira ng ilang araw sa Siargao. Isang private plane ang naghatid sa kanila.

"Come, asawa ko. Pumasok na tayo sa loob ng bahay. Don't worry may kuryente at tubig sa loob ng bahay. Iyon lamang ay wala tayong kasama, tayong dalawa lamang ang nasa bahay na it